Пашинян: «ҰҚШҰ бітімгерлері Арменияға кірмейді»

Армения премьер-министрі Никол Пашинян оппозицияны елге Ұжымдық қауіпсіздік шарты ұйымының (ҰҚШҰ) әскери күштерін енгізуге ұмтылып отыр деп айыптады. Оның айтуынша, бұған жол берілмейді, деп хабарлайды Orda.kz.        

Бұл туралы саясаткер парламентте сөйлеген сөзінде мәлімдеді.

Пашинянның сөзінен үзінді жергілікті бұқаралық ақпарат құралдарында жарияланды.

«ҰҚШҰ бітімгерлері Арменияға кірмейді, жалпы ешқандай бітімгер Арменияға кірмейді. Өйткені бейбітшілік орнады, ал бейбітшілікті сақтаушы – халық. Иә, соның ішінде Армения халқы мен Әзербайжан халқы ең сенімді бітімгер. Ешқандай шетелдік бітімгер Армения аумағына кірмейді», – деді Пашинян. 

Премьер-министр Армения өзінің өмір сүруіне кепілдікті әртүрлі геосаяси орталықтардан іздемеуі керек екенін айтты. Оның пікірінше, ел өз аумағында «өмір сүру, даму және тіршілік ету» құқығын күнделікті еңбегі арқылы өзі қамтамасыз етуі тиіс.

Бұған дейін Арменияның бұрынғы президенті Роберт Кочарянның елдің Сыбайлас жемқорлыққа қарсы комитетіне жеткізілгені хабарланған болатын. Саясаткердің өкілдері оның ұсталғанын растады.

Кейін Сыбайлас жемқорлыққа қарсы комитет Кочарян мен оның ұлының ұсталғанын мәлімдеді. Сондай-ақ бұрынғы президенттің өзіне және оның айналасына қатысты қандай күдік келтірілгені белгілі болды.

Оларға бірқатар сыбайлас жемқорлық сипатындағы айып тағылған. Атап айтқанда, мемлекеттік мүлікті заңсыз шығару және миллиардтаған драм көлемінде пара алу деректері бойынша күдік бар.

Кейін бұқаралық ақпарат құралдары Арменияның үшінші президенті Серж Саргсянның да Сыбайлас жемқорлыққа қарсы комитетке шақырылғанын хабарлады. Оған да Роберт Кочаряннан кейін айып тағылған.

Оқи отырыңыз:

• Арменияда экс-президент Роберт Кочарян мен оның ұлы ұсталды
• Оралда «тентек кәде» сұраған «әртістің» тісі үгітіліп, қабырғасы сынды