Үкімет басшысы Асқар Мамин экономикалық өсімді қалпына келтіру жөніндегі мемлекеттік комиссияның отырысын өткізді. Отырыста Президенттің 1 сәуірдегі кеңесте берген тапсырмаларын орындау шаралары қаралды.
Бұл туралы Orda.kz хабаралады.
Зардап шеккен шағын және орта бизнес субъектілерін қолдаудың қосымша шаралары туралы:
- Ұлттық экономика министрі Әсет Ерғалиев
- Қаржы министрі Ерұлан Жамаубаев
- Қаржы нарығын реттеу және дамыту агенттігінің төрағасы Мәдина Әбілқасымова
- «Атамекен» ҰКП басқарма төрағасы Абылай Мырзахметов
- Премьер-министрдің бірінші орынбасары Әлихан Смайылов баяндады.
2021 жылы наурызда кәсіпкерлерге жүргізілген сауалнама нәтижелері негізінде 4 бағыт қолға алынды. Атап айтқанда, бизнеске жүктемені азайту, қаржыландыруға, сұраныс нарықтарына және сапалы адам ресурстарына қолжетімділікті кеңейту бойынша 24 шарадан тұратын жаңа топтама бекітілді.
Іскерлік белсенділікті ынталандыруға бағытталған шаралар 2021 жылғы 1 сәуір мен 1 шілде аралығында зардап шеккен кәсіпкерлердің:
- еңбекақы төлеу қорынан барлық салықтар
- төлемдерді төлеуін кейінге қалдыруды
- банк займдары мен шағын несиені төлеуін кейінге қалдыруды
- салықтық және кедендік берешекті мәжбүрлеп өндіріп алу шараларын тоқтата тұруды қамтиды.
Сонымен қатар, отырыста тауарлардың ілеспе құжаттары мен электрондық шот-фактураларын рәсімдеу бойынша пилоттық жоба 2021 жылдың 1 шілдесінен 1 қазанға ауыстырылды.
