Пандемияға байланысты интернет-педофилдер көбейген

Коронавирустық пандемия кезінде интернет-педофилдер саны артты. Бұл туралы Еуропалық полиция агенттігінің (Еуропол) басшысы Кэтрин де Болль айтты, деп хабарлайды ORDA DW-ке сілтеме жасап. Оның айтуынша, педофилдер жәбірленушімен байланысқа түсуге қарқынды тырысуда.

Де Боллдың айтуынша, пандемия басталғаннан бері шабуылдаушылар педофилияға қатысты материалдарды іздеуде бұрынғыдан гөрі белсенді болды.

«Сонымен қатар, қылмыскерлер интернетте көп уақыт өткізетін және көбінесе ата-анасының бақылауынсыз қалатын балалармен тікелей байланысқа түсуге тырысуда», - деді Кэтрин де Болль.