Пәкістан Ауғанстандағы тәліптерге «ашық соғыс» ашты

Пәкістанның қорғаныс министрі Хаваджа Асиф Исламабад Ауғанстандағы тәліптер үкіметіне қарсы «ашық соғыс» жариялайтынын мәлімдеді, деп хабарлайды Orda.kz РБК-ға сілтеме жасап. 

Министр қанды соғыс болатынын ашық айтты. 

Министр тәліптерді «Ауғанстанды Үндістанның отарына айналдырды. Елге дүниежүзінен террористерді жинап, терроризмді экспорттай бастады және Үндістанның қуыршағына айналды» деп айыптады.

26 ақпанда ауған әскери күштері Пәкістанның шабуылдарына жауап ретінде Дюранд сызығы бойында – Хост, Пактия, Нуристан және өзге де аудандарда операциялар бастаған. Екі тараптан да қаза тапқандар бар.

27 ақпанға қараған түні Ауғанстан астанасы Кабул қаласында тұрғындар қаланың әр бөлігінде ұшақтардың дыбысы мен қатты жарылыстар естілгенін хабарлады. Аль-Джазира Пәкістанның ақпарат министріне сілтеме жасап, «Талибан» қозғалысының 27 позициясы жойылып, 9 позициясы басып алынғанын, сондай-ақ Ауғанстанның 133 әскери қызметкері қаза тауып, 200-ден астамы жараланғанын жазды.

Оқи отырыңыз:

• «Намаз оқымаса, сабайды»: Атажұрттан жырақтаған Ауғанстан қазақтары
• Шымкенттегі  ауған соғысы ардагерлері наразылық білдірді