Өзбекстанда той-жиынға көп қонақ шақыруға тыйым салынды

Өзбекстан билігі үйлену тойлары мен отбасылық мерекелерге бақылауды күшейтті. Өзбекстандықтарға жерлеу рәсімін шамадан тыс асырып өткізуге, қымбат сыйлықтар беругкжәне мерекелерде ақша таратуға тыйым салынады, деп хабарлайды Orda.kz. 

Өзбекстан үкіметі 2026-2030 жылдарды «Азық-түлік қауіпсіздігі кезеңі» деп жариялады. Билік адамдарды азық-түлікпен қамтамасыз етуге бас қатырып, қоғамда «шамадан тыс ысырапшылдықтың» алдын алуға тырысып жатыр. Ысырапшылдықпен күресу үшін шенеуніктер үйлену тойларын, отбасылық мерекелерді, арнайы рәсімдерді қатаң бақылауға алды. 

Енді Өзбекстандағы жаңа заңға сәйкес, үйлену тойлары мен отбасылық іс-шараларға 200 адамға дейін келе алады. Жаңа заң бойынша, ұлттық дәстүрлерге жат, тәлім-тәрбиеге қайшы келетін және қосымша шығындар мен уақытты қажет ететін рәсімдерге тыйым салынады.

Айта кетейік, Қырғызстанда мұндай ысырапшылдықтың алдын алу шаралары наурыз айында басталып кеткен. Қырғыз билігі құдалыққа, киітке, марқұмға ас беруге тыйым салған еді.