Өскеменде миллиондарды жымқырған қылмыстық-атқару жүйесінің қызметкерлері сотталды

Өскемен қаласында №17 мекеменің бұрынғы бастығының орынбасары мен қылмыстық-атқару жүйесі департаментінің аға инспекторына үкім шықты. Олар тұрғын үй комиссиясына өздерінің мүлкі туралы жалған мәлімет беру арқылы 5,8 миллион теңге жымқырды деп танылды, деп хабарлайды Orda.kz.

Сот бұрынғы қызметкерлерді 3 жыл 6 айға бас бостандығын шектеу жазасына кесіп, мемлекеттік қызмет пен квазимемлекеттік секторда қызмет атқару құқығынан өмір бойына айырды. Олар бұрынғы әділет майоры мен лейтенанты шендерінен де айырылды.

«Оларға 3 жыл 6 ай мерзімге бас бостандығынан айыру және мемлекеттік қызмет пен квазимемлекеттік секторда лауазымды қызмет атқару құқығынан өмір бойына айыру жазасы тағайындалды. Сотталғандар әділет майоры және лейтенант арнайы атақтарынан айырылды. Сот үкімі заңды күшіне енді»,  деп хабарлады сыбайлас жемқорлыққа қарсы агенттік. 

Еске сала кетсек, Orda.kz Өскемендегі №72 мекемеде отырған сотталушы Мерген Иманқұлов өз-өзіне қол салғаны туралы жазған болатын. Марқұмның әйелі Эльвира Иманқұлова мен адвокат Айман Омарова оны Виталий Мирошниковқа (Алтынбек Сәрсенбаевты ұрлады деп айыпталған адамға) қарсы куәлік ет деп қинап, қысым көрсетті деп отыр. Марқұмның жұбайы қылмыстық атқару қызметкерлерімен, басшыларына арыз жазатынын мәлімдеген болатын. Ол жайлы толығырақ мына материалдан оқыңыздар.