Өскеменде автобуста қыздарды қол жүгірткен адамнан арашалаған жігітке депутат телефон сыйлады

Өскеменде автобуста қыздарға қол жүгірткен адамды ұстамақшы болып, жасөспірімдерді қорғаған жас жігіт марапатталды, деп хабарлайды Orda.kz.      

Бұған дейін оған көпшілік ортасында жанжал шығарды деп айыппұл салынған болатын.

Мәжіліс депутаты Лұқбек Тумашынов Өскемен қаласының тұрғыны Олжас Әуелбековпен кездесіп, оған жаңа телефон сыйлады.

Еске салайық, жас жігіт қоғамдық көлікте кәмелетке толмаған қыздарға тиіскен адамнан арашаламақ болды.  Оның кішкентай қыздарды қорғап, қорықпай өзінен үлкен ересек адамды полицияға ұстап бермекші болған әрекетін көпшілік дұрыс деп есептеді. Бұл оқиға қоғамда кең резонанс тудырды.

Кездесу барысында атап өтілгендей, азаматтар дұрыс әрекет еткеннің өзінде кей жағдайда құқықтық тұрғыдан күрделі салдарға тап болуы мүмкін. Дегенмен, бұл жағдай жас ұрпақтың жауапкершілігі мен азаматтық санасының  жетілгенін көрсетті.

«Қоғамда әділдік үшін сөйлейтін, жауапкершілікті өз мойнына алатын жастар бар. Мұндай азаматтарды тек сөзбен емес, нақты істермен де қолдау қажет. Заң мен тәртіп әділдіктің жағында болуы тиіс», — деді депутат. 

Дегенмен, бұл жағдай жас ұрпақтың жауапкершілігі мен азаматтық санасының  жетілгенін көрсетті.Бұған дейін кәмелетке толмағандарды қорғаған жігіт ұсақ бұзақылық  жасады деген нұсқамен айыппұл төлеген болатын.

Оқи отырыңыз:

• Алдағы күндері Алматыда найзағай ойнап, Астанаға қар жауады
• «Аспаннан түскен байдың баласы емеспін»: Ерболат Жанәбілов кінәсін ішінара мойындады
• Державалардың таласы басталып кетті. Айға ұшудың мәні неде?