Орындалмаған жоспар: Қазақстанда жергілікті полиция қызметі жойылады

Қазақстанда жергілікті полиция қызметі жойылады. Өйткені олардың қызметі «үмітті ақтамады», деп хабарлайды Orda.kz.

Оның орнына елде құқық бұзушылықтың алдын алу және қоғамдық қауіпсіздікті қамтамасыз ету бойынша екі басқарма пайда болады. Оның нормасы ішкі істер органдарының қызметі саласындағы нормалардың артық заңнамалық регламенттелуін болдырмау мәселелері бойынша заң жобасында енгізілген. Оны бүгінгі пленарлық отырыс барысында Мәжіліс мақұлдады.

«Заң жобасының негізгі нормаларының бірі – жергілікті полиция қызметін жою. Уәкілетті органның пікірінше, ол құрылғалы үміт ақталмады», – деді Мәжіліс депутаты Амантай Жарқынбек.

Ол бұндай полиция қызметі қоғамның полиция жұмысына деген сенімін арттыруды қамтамасыз етуі керек екенін еске салды.

«Осыған байланысты бұл қызметті құқық бұзушылықтың алдын алу және қоғамдық қауіпсіздікті қамтамасыз ету жөніндегі екі басқарма ашу арқылы қайта құру ұсынылады», – деп хабарлады депутат.

Айта кетейік, бұған дейін экс-судья Светлана  Жолмановаға қатысты сот тағы кейінге шегерілгенін жазған болатынбыз.