Оразалы Ержанов тағы қамауға алынды

Сот белсенді азаматты он тәулік әкімшілік қамау мерзімі аяқталғаннан кейін бірден екі айға қамауға алды, деп хабарлайды Orda.kz.

Алматыда қоғам белсендісі Оразалы Ержанов қайтадан қамауға алынды. Сот оған екі ай мерзімге қамауда ұстау шарасын тағайындады. Бұл туралы журналист Вадим Борейко хабарлады. 5 наурызда Ержановтың он тәулікке берілген әкімшілік қамау мерзімі аяқталған еді. Алайда сол күні сот оны қайтадан қамауға алу туралы шешім шығарды.

«Бүгін, 2026 жылғы 5 наурызда шамамен сағат 19:40-та, Оразалы Ержановтың 10 тәулікке берілген қамау мерзімі аяқталуына бір сағат қалғанда, оны тағы екі айға қамауға алды. Бұл туралы маған адвокат Виталий Воронов хабарлады» деп жазды Борейко.

Бұған дейін біз қоғам белсендісі әлеуметтік желілердегі жарияланымдарынан кейін ұсталғанын жазған едік. Алматы полициясы интернетте жалған ақпарат пен референдумға бойкот жасауға шақыратын материалдар анықталғанын хабарлаған. Сайлау құқықтарын жүзеге асыруға кедергі келтіруі мүмкін деген күдік бойынша полиция қылмыстық іс қозғап, тергеу жұмыстарын бастаған.

Оқи отырыңыз:

• Тоқаев Иранның дроны Әзербайжан әуежайын атқылауына байланысты ұстанымын мәлімдеді
• Ресейде қорғаныс министрінің бұрынғы бірінші орынбасары ұсталды
• Талғарда тағы бір қанды оқиға: Әйел анасымен бірге бұрынғы күйеуін 30 жерден пышақтады деген күдікке ілікті