Оралда тоқ соққан электрик қаза болды

Еске сала кетсек, 24 желтоқсан күні Зачаган кентіндегі «Батыс Қазақстан электр желілерін тарату компаниясы» АҚ-ға қарасты қосалқы стансада 49 жастағы электрикті ток соғып, денесін 80 пайыз күйік шалған еді.

Облыстық денсаулық сақтау басқармасының мәлімдеуінше, ер адам сенбі күні көз жұмды.

Марқұмның жақындарының сөзінше, балаларын жетілдіремін деп қалаға көшіп келіп, жұмысқа тұрған екен. Электриктің артында әйелі мен үш баласы қалып отыр.

БҚО бойынша еңбек инспекциясы басқармасының басшысы Асылұлан Досжанов осы оқиға бойынша тексеру жүргізіліп жатқанын, соның қорытындысына сәйкес тараптардың жауапкершілігі анықталатынын жеткізді.

Еске сала кетейік, бұдан бұрын Орал қаласының бірқатар бөлігі жарықсыз қалған болатын.