Оралда қоқыс жәшігінен нәрестенің мәйіті табылды

Оралда қоқыс жәшігінен жаңа туған сәбидің денесі табылды. Оны жергілікті тұрғындар тапқан, деп хабарлайды Orda.kz. 

Оқиға бүгін, 14 тамыз күні Зачаганск кентіндегі Бірлік көшесінде болған. Сол маңнан өтіп бара жатқан тұрғындар жаңа туған сәбидің мәйітін тауып алған. Оқиға орнына полиция келіп, тексеру жұмыстарын жүргізді. 

Сәбидің анасын анықтау бойынша жедел-іздестіру шаралары жүріп жатыр. Қазір қажет сот-медициналық сараптамалар тағайындалды.

Айта кетейік, Талғарда екі қарт кісіні өлтіріп, үйін өртеген ер адам ұсталды.