Оппозиция «Грузин арманы» партиясы «билікті басып алды» деп айыптады

Биліктегі «Грузин арманы» партиясының 53 пайыз дауыс жинап жатқаны бюллетеньдердің 72,3 пайызы өңделгеннен кейін белгілі болды, деп хабарлайды Orda.kz BBC NEWS-ке сілтеме жасап.

Бұл Орталық сайлау комиссиясы  жариялаған алғашқы деректер және ол дауыс санау жалғасуда жақын сағаттарда қорытынды жаңартылатын болады.

Грузияның екі оппозициялық партиясы бұл сайлау нәтижелерін мойындамайтынын мәлімдеп үлгерген болатын.

«Бірлік – Ұлттық қозғалыс» партиясының жетекшісі Тинатин Бокучава сайлауды «дұрыс емес», ал оның нәтижелерін «ұрланған» деп атады.

«Орталық сайлау комиссиясы Иванишвилидің лас бұйрығын орындауда. Олигарх Иванишвилидің грузин халқының жеңісін ұрлап, сол арқылы Еуропа болашағын ұрлағанын көрсететін нәтижелерді жариялағанын көріп отырмыз», - деді ол. 

Оның әріптесі, «Өзгерістер коалициясының» жетекшісі Ника Гварамия да оның партиясы сайлау нәтижелерін мойындамайтынын айтты.

 «Сайлау ұрланды. Билікті тартып алды. Бұл конституциялық төңкеріс»,- деді ол.

Оппозиция шеру ұйымдастыруды жоспарлап отырғанын да жасырмады.