Оңтүстік Кореяда 30 адамға ажал құштырған жан шошырлық орман өртіне кінәлі адам ұсталды

Жексенбі күні, 30 наурызда полиция елдің оңтүстік-шығыс бөлігін қиратқан ауқымды орман өртін тұтатты деп күдіктелген адамды тұтқындағаны мәлім болды, деп хабарлайды Orda.kz Yonhap агенттігіне сілтеме жасай отырып. 

«22 наурызда таңертең 56 жастағы ер адам Солтүстік Кёнсан провинциясының Ыйсон аумағындағы төбеде ата-бабасын еске алу рәсімін өткізген. Күшті жел мен құрғақ шөптен өрт тез лаулап жанып, жақын маңға тез таралып кеткен» деп жазылған полиция хабарламасында.

Күдікті өзіне тағылған айыптардан бас тартты.

Биліктің мәліметі бойынша, орман өрті 30 адамның өмірін қиып, 4000-ға жуық ғимаратты, соның ішінде ЮНЕСКО-ның Бүкіләлемдік мұра болып саналатын - Гун ғибадатханасынының күлін көкке ұшырған.

Сәрсенбі күні Корея Республикасы президентінің міндетін атқарушы Хан Деок Су орман өртінің одан әрі таралуына жол бермеу үшін барлық күш-жігерді жұмсауға шақырды.

Бұған дейін Оңтүстік Корея елдегі орман өртін –  ұлттық апат деп жариялаған болатын.