Оңтүстік Корея президенті қызметінен біржола шеттетілді

Оңтүстік Корея президенті Юн Сок Ёль қызметінен біржола шеттетілді, деп хабарлайды Orda.kz. 

Елдің конституциялық соты импичментті растады және ресми түрде Юн Сок Ёльді қызметінен босатты. 2024 жылдың желтоқсан айында Оңтүстік Кореяда әскери төтенше жағдай жарияланды. Бұл туралы ел президенті Юн Сок Ёль халқына жолдауында мәлімдеді. Оңтүстік Корея соты президентті әскери жағдай енгізгені үшін айыптады және парламентке күштік қысым жасағанын атап өтті.

Сот шешімі дереу күшіне енді. Енді Оңтүстік Кореяда 60 күн ішінде президенттік сайлау өтуі тиіс. Билік сайлауды 3 маусымда өтеді деп жоспарлап отыр. 

Әскери жағдай енгізгеннен кейін қаңтар айында Оңтүстік Корея президенті қамауға алынды. Юн Сок Ёль ел тарихында қамауға алынған алғашқы мемлекет басшысы. Ол 15 қаңтар күні ұсталды. Ал 16 қаңтар күні президент жауап алудың екінші күніне қатысудан бас тартты. Юн Сок Ёльдің әйелі де күдікті деп танылды.