Оңтүстік Корея президенті Қазақстанға іс-сапармен келді

Ақорда резиденциясында Қазақстан президенті Қасым-Жомарт Тоқаев Оңтүстік Корея президенті Юн Сок Ёлды қарсы алды. Кездесу барысында құжаттарға қол қойылады.

Бұл туралы Orda.kz тілшісі хабарлайды. 

«Астанамызға, қонақжай қазақ еліне қош келдіңіз! Бұл Қазақстанға алғашқы мемлекеттік сапарыңыз болған соң, біз мұны тарихи оқиға деп санаймыз. Бізді Оңтүстік Кореяның экономикалық жетістіктері, корей халқының мәдениеті мен дәстүрі қызықтырады. Екі ел арасындағы қарым-қатынастар қарқынды дамып келеді деп сеніммен айтуға болады. Біз ынтымақтастықтың үлгісін құруға сеп болған қарым-қатынасымыз бен ұлттық мүдделерімізді құрметтейміз. Бүгін қол қойылатын бірқатар құжаттар мен бірлескен мәлімдеме соның айқын дәлелі. Бүгінгі келіссөздер Қазақстан-Корея ынтымақтастығын кеңейтіп, екіжақты қарым-қатынасты жаңа деңгейге көтереді деп ойлаймын», – деді Қасым-Жомарт Тоқаев.

Оңтүстік Корея президенті Юн Сок Ель Қазақстанға жұбайы Ким Кон Химен бірге келді.

Ким Кон Хи ханым салтанатты шараға сұр түсті жекет, сұр түсті белдемше және биік өкшелі, қара түсті туфли киіп келді.