Олимпиада-2026: 21 ақпанда Қазақстан атынан кімдер жарысқа шығады

2026 жылғы Қысқы Олимпиада ойындарының Милан, Кортина-д’Ампеццо және Италияның солтүстігіндегі өзге де қалаларда өтіп жатқан жарыстың соңғы күндерінде қазақстандық спортшылар үш спорт түрінен медаль үшін бақ сынайды, деп хабарлайды Orda.kz.      

Шаңғы жарысы (50 шқ, масс-старт, ерлер)

Қазақстан уақытымен 15:00-де ерлер арасындағы 50 шақырымдық масс-стартта ел намысын:

• Әмірғали Мұратбеков
• Виталий Пухкало
• Наиль Башмаков қорғайды.

Конькимен жүгіру (масс-старт, әйелдер)

Сағат 19:50-де конькимен жүгіру спортындағы соңғы олимпиадалық жарыс — әйелдер арасындағы масс-старт басталады. 

Әйелдер арасындағы масс-стартта:

• Елизавета Голубева мұз айдынға шығады.

Фристайл-акробатика (командалық жарыс)

14:45-те фристайл-акробатикадан командалық сайыстың іріктеу кезеңі мен финалы өтеді. Қазақстан құрамасы сапында:

• Аяна Жолдас
• Роман Иванов
• Асан Асылхан өнер көрсетеді.

Гала-шоу

Қазақстан уақытымен  22 ақпанға ауған түні мәнерлеп сырғанаушылардың гала-шоуы өтеді. Бұл — жарыс емес, көрермендерге арналған мерекелік бағдарлама. Онда Қазақстанның су жаңа чемпионы Михаил Шайдоров Олимпиадада көрсетілмеген жаңа бағдарламасын ұсынады.

Айта кетейік, Олимпиада-2026 ойындарында Қазақстан атынан 10 спорт түрі бойынша 36 спортшы қатысуда. Атап айтқанда: биатлон, шаңғы жарысы, трамплиннен секіру, шаңғы қоссайысы, фристайл-могул, фристайл-акробатика, тау шаңғысы, шорт-трек, конькимен жүгіру және мәнерлеп сырғанау.

Сонымен қатар, Қазақстанның фристайл-могул және мәнерлеп сырғанау бойынша төрешілер құрамында да өкілдері қатысып отыр.

Оқи отырыңыз:

• Олимпиада-2026: Софья Самоделкина ел көрсеткішін көтерді
• Олимпиада-2026: Михаил Шайдоров жарысқа киген костюмін музейге тапсырды
• Михаил Шайдоров Олимпиада-2026 гала-шоуында өнер көрсетеді