Ойын алаңында пышақтап кеткен: Алматыда ер адамның мәйіті табылды

Күдікті ұсталып, уақытша ұстау изоляторына қамалды.

Алматы полициясы наурыздың 14-інен 15-іне қараған түні Самал-3 ықшамауданындағы балалар алаңында ер адамның мәйіті табылғаны туралы ақпаратты растады. Бұл туралы хабарламалар бұған дейін әлеуметтік желілерде пайда болған.

«Алдын ала мәлімет бойынша, алкогольдік ішімдіктерді бірлесіп ішу кезінде туындаған жанжал салдарынан 35 жастағы ер адамды өзінің таныстары пышақтап кеткен. Жедел іздестіру шарасында біз 22 жастағы күдіктіні ұстап, қамауға алдық» деп хабарлады қалалық полиция департаментінің баспасөз қызметі.

Тәртіп сақшылары бұл дерек ҚР Қылмыстық кодексінің 99-бабы «Адам өлтіру» бойынша сотқа дейінгі тергеп-тексерудің бірыңғай тізіміне тіркелгенін қосты. Істі Медеу аудандық полиция бөлімі тергеп жатыр.