Нұрай ісі: Күдікті өмір бойына сотталуы мүмкін

Нұрай Серікбайдың өлімі басқа баппен қаралады, деп хабарлайды Orda.kz.

Шымкентте 21 жастағы Нұрай Серікбайдың өліміне байланысты тергеу ауқымы кеңейді. Күдікті азаматқа қатысты іс бастапқыда «Адам өлтіру» бабы бойынша қозғалғанымен, қазір «Аса қатыгездікпен адам өлтіру» бабымен сараланады.

Қолданыстағы заңнамаға сәйкес, бұл бап 15 жылдан 20 жылға дейін бас бостандығынан айыруды немесе өмір бойына бас бостандығынан айыру жазасын көздейді.

Еске сала кетейік,  Тоқаев Ұлттық құрылтайда сөйлеген сөзінде Шымкенттегі Нұрайдың өлімінен кейін полиция жұмысына баға беруді тапсырды.

Тақырыпқа сай ұсынамыз:

• «11 жеріне пышақ сұққан»: Шымкентте кісі қолынан қаза тапқан қыздың денесі туыстарына берілді
• Нұрай ісі: Марқұмның ағасы желідегі бейнежазбаларға пікір білдірді
• Шымкентте ер адам бейтаныс әйелді «түрі ұнамағаны» үшін пышақтап өлтірді