NASA Falcon 9 құлағаннан кейін Айда пайда болған кратер фотосы жарияланды

NASA 2026 жылғы 5 тамызда SpaceX-тің Falcon 9 зымыранының жоғарғы сатысы құлағаннан кейін Ай бетінде пайда болған кратер суреттерін жариялады. Салмағы төрт тонна болатын зымыран бөлігі Ай бетіне сағатына 8700 шақырым жылдамдықпен соғылған. Фотоны NASA-ның Lunar Reconnaissance Orbiter (LRO) аппараты 11–12 тамызда түсірген, деп хабарлайды Orda.kz.

Кратердің ені 18 метр, ал тереңдігі 3 метрден аспайды. Оның айналасында ашық және қара түсті сәулелер байқалады. Falcon 9 зымыраны 2025 жылдың қаңтарында Айға Blue Ghost 1 қону модулін және жапондық ispace компаниясының Resilience станциясын жеткізу үшін ұшырылған. Жүк бөлінгеннен кейін зымыранның жоғарғы сатысының Жерге оралуына жанармайы жетпей, ол орбитадан шығып, Айға қарай бағыт алған.

Америкалық NASA ғарыш агенттігі SpaceX компаниясының Falcon 9 зымыранының жоғарғы сатысы құлағаннан кейін Айда пайда болған кратердің суреттерін жариялады. Соқтығыс 5 тамызда болған. Салмағы төрт тонна болатын зымыран сатысы Ай бетіне шамамен сағатына 8700 шақырым жылдамдықпен соғылған. Бұған дейін оңтүстіккореялық Danuri ай зондының соқтығысқа дейін және одан кейін бірден түсірген суреттері жарияланған болатын.

Енді жаңа кратерді NASA-ның Айды барлау орбиталық аппараты (LRO) суретке түсірді. Фотолар 11–12 тамыз аралығында түсірілген. Әр сурет екі есе үлкейтілген және Ай бетінің ені шамамен 300 метр болатын бөлігін көрсетеді. NASA мәліметінше, қажетті аумақты суретке түсіру үшін аппарат оның көру аймағына енгенше күтуге мәжбүр болған. Бұл алты күнге созылған.

Әртүрлі бұрыштардан түсірілген суреттердің арқасында ғалымдар кратерді әртүрлі жарық жағдайында зерттеп, оның ерекшеліктерін анықтай алды. Кратердің ені 18 метр екені белгілі болды. Ал көлеңкесіне қарап есептегенде, тереңдігі 3 метрден аспайды. Суреттерден кратерден жан-жаққа тараған ашық және қара түсті сәулелер көрінеді. Қараңғы жолақтар — ұзақ уақыт бойы күн желінің, ғарыштық сәулелердің және микрометеориттердің соққыларының әсеріне ұшыраған Ай бетіндегі шаң мен тастар. Ал кратердің шетіндегі ашық түсті жолақтар Ай бетінің терең қабаттарынан көтерілген жаңа материалдан тұрады.

Америкалық SpaceX компаниясының Falcon 9 зымыраны 2025 жылдың қаңтарында ұшырылған. Ол Айға қарай ұшу траекториясына америкалық Blue Ghost 1 қону модулін және жапондық ispace компаниясының Resilience станциясын шығарды. Жүк бөлінгеннен кейін зымыранның жоғарғы сатысында Жерге қайтуға жеткілікті жанармай қалмаған. Сондықтан ол Айға қарай бағыт алып, биыл тамыз айында Ай бетімен соқтығысты.

Оқи отырыңыз:

• «Біреуінің бауыры езіліп, үш бала қашып кеткен»: Райымбек ауданындағы қайғылы апатқа байланысты жаңа деректер шықты
• Башар Асадтың бауыры Сирияда өлім жазасына кесілді