Наразылық салдарынан Стамбұлға кіру мен шығуға тыйым салынды

Стамбұлда сыбайлас жемқорлыққа қатысы бар деп айыпталған қала мэрі Экрем Имамоғлының тұтқындалуынан кейінгі ауқымды наразылықтар кезінде провинция басшылығы елге кіруге және шығуға тыйым салды.

Стамбұл провинциясының билігі қалада жалғасып жатқан наразылық шараларына 5 күннен бері тоқтамағандықтан кіру-шығуға шектеу қойды.

Хабарламада наразылық акцияларына қатысу әлеуеті қалай бағаланатыны көрсетілмеген. Дүйсенбі күні таңертең басылым тілшісінің байқауы бойынша, қала жолдарындағы қауіпсіздікке қатысты ешқандай өзгеріс байқалмаған.

Ал, X әлеуметтік желісіндегі қолданушылар мен жаңалықтар арналарының видеолары мен фотоларына қарағанда, қалада наразылық шерулері, сондай-ақ наразылық білдірушілерді тұтқындау көбейе түскен.

Естеріңізге сала кетейік, Түркияның оппозициялық Республикалық халық партиясының жетекшісі Озгур Озел Стамбұлдың қамауға алынған мэрі Экрем Имамоғлыны президенттікке кандидат етіп ұсынуға 15 миллионға жуық адам дауыс бергенін мәлімдеді. 

Түркияда бүкіл ел бойынша бес күннен бері наразылық шерулері өтіп жатыр, мыңнан астам адам ұсталып, 123 полиция қызметкері жарақат алды.