Найзағай ойнап, бұршақ жаңбыр жауады: 23 тамызға арналған ауа райы болжамы

«Қазгидромет» болжамына сәйкес, жексенбі күні Қазақстанның басым бөлігінде ауа райы тұрақсыз болады, деп хабарлайды Orda.kz.       

Солтүстік және орталық өңірлерде жаңбыр жауып, найзағай ойнайды. Кей жерлерде бұршақ жауып, жел екпіндейді. Түнде және таңертең тұман түсуі мүмкін.

Еліміздің оңтүстігі мен батысында +42 °C-қа дейінгі аптап ыстық сақталады. Қазақстанның барлық өңірінде дауылды ескерту жарияланды.

Ауа райы болжамы:

Астанада құбылмалы бұлтты, жаңбыр жауып, найзағай ойнайды. Күндіз кей уақыттарда қатты жаңбыр, бұршақ және екпінді жел күтіледі. Түнде +14–16 °C, күндіз +16–18 °C.

Алматыда құбылмалы бұлтты, аздап жаңбыр жауып, найзағай ойнайды. Түнде +18–20 °C, күндіз +29–31 °C.

Шымкентте құбылмалы бұлтты, жауын-шашынсыз ауа райы қалыптасады. Түнде +18–20 °C, күндіз +31–33 °C.

Оқи отырыңыз:

• Гандидің 600-ден астам қолжазба хаты аукционда рекордтық бағаға сатылды
• Алматыдағы MEGA сауда орталығынан адамдар эвакуацияланды