Гандидің 600-ден астам қолжазба хаты аукционда рекордтық бағаға сатылды

Үндістанның тәуелсіздік көшбасшысы Махатма Гандидің 600-ден астам қолжазба жазбасы Мумбайда өткен аукционда 1,69 миллион долларға сатылды, деп хабарлайды Orda.kz.        

Сатып алушы жазбалар үшін шамамен 1,7 миллион доллар төлеген. Қолжазбаларда Гандидің ақиқат, зорлық-зомбылықсыз күрес және өзін-өзі бақылау туралы ой-толғамдары жазылған.

Жазбаларды Ганди 1944–1946 жылдары қалдырған.  Saffronart аукцион үйі мәліметінше, сатылым нәтижесінде қалыптасқан баға Үндістан тарихына қатысты құжат үшін тіркелген рекордтық көрсеткіш болған.

Сатып алушының кім екені жарияланбады. Сонымен қатар аукцион үйі өкілдері қолжазбаның Үндістан аумағында қалатынын хабарлады.

Махатма Ганди зорлық-зомбылықсыз қарсылық көрсету идеологиясының негізгі көшбасшыларының біріне айналды. Ол қалыптастырған сатьяграха қағидаты зорлық-зомбылық қолданбай, саяси және әлеуметтік өзгерістер үшін күресуді көздеді.

Кейін оның идеялары әлемнің түрлі елдеріндегі азаматтық құқықтар мен бостандықтар үшін күрескен қозғалыстарға ықпал етті.

Оқи отырыңыз:

• Нақты жобалар 2030-2040 жылдарға қалады: Алматының Бас жоспары қашан бекітіледі?
• Бас мүфти Наурызбай қажы: Әйелге қол көтеру – ерлік емес