Мұса Әбдірайым өзі кепілдіктен құтқарған қыздың жағдайын білді

Ер адам оқиғадан екі күннен кейін өзі кепілдіктен босатқан қыздың отбасына барып, хал-жағдайын біліп шықты, деп хабарлайды Orda.kz. 

Алматы әуежайының қызметкерін кепілдіктен құтқарған Мұса Әбдірайым екі күннен кейін қыздың жағдайын біліп қайтты. Бұл туралы Әбдірайым өзінің Instagram парақшасында хабарлады.

«Бүгін мен сол қарындасымның үйіне бардым, оның жағдайы жақсы» деп жазды ол қыздың отбасымен кездескен кезіндегі фотолары мен бейнежазбаларын жариялай отырып.

Естеріңізге сала кетейік, 2025 жылдың 7 наурызында 67 жастағы ер адам әуежайдың ішкі рейстер терминалында пышақпен қызды кепілге алған болатын. Мұса Әбдірайым шабуылдаушыны залалсыздандырды.

Келесі күні Қазақстан Президенті Қасым-Жомарт Тоқаев Әбдірайымды «Ерлігі үшін» медалімен марапаттады.

Алматы әкімі Ерболат Досаев Мемлекет басшысының атынан бір күн бұрын Алматы әуежайында кепілге алынған адамды құтқарған қазақ Мұса Әбдірайымға «Ерлігі үшін» медалін табыс етті.

7 наурыз күні қызды пышақпен кепілге алған 67 жастағы Машрапбек Баратов екі айға қамауға алынды.  Ал әуежай қызметкерін кепілдікке алған қылмыскер 12 жылға дейін бас бостандығынан айырылуы мүмкін. Полицейлер Алматы әуежайы қызметкеріне шабуыл жасаған ер адамға қатысты үш қылмыстық іс қозғады.

Оның үстінен үш бап бойынша қозғалған қылмыстық істер: кепілге алу, қару қолдану арқылы бұзақылық және лаңкестік әрекет туралы көрінеу жалған хабарлау.