Полицейлер Алматы әуежайы қызметкеріне шабуыл жасаған ер адамға қатысты үш қылмыстық іс қозғады

7 наурыз күні қызды пышақпен кепілге алған 67 жастағы Машрапбек Баратов екі айға қамауға алынды, деп хабарлайды Orda.kz ІІМ-ге сілтеме жасап.  

Келесі баптар бойынша қылмыстық іс қозғалды:

• Кепілге алу (ҚР ҚК 261-бабы, 2-бөлігі, 4-т.) – мүлкі тәркіленіп, жеті жылдан 12 жылға дейінгі мерзімге бас бостандығынан айыру.

• Қару қолданып бұзақылық жасау (ҚР ҚК-нің 293-бабы, 3-бөлігі) – үш жылдан жеті жылға дейінгі мерзім қарастырылған.

• Терроризм актісі туралы жалған хабарлау (ҚР ҚК 273-бабы) – 5000 АЕК-ке дейінгі мөлшерде айыппұл салу немесе бес жылға дейін бас бостандығынан айыру.

Үшінші бап күдіктінің үстінен жолаушыларды қорқытып, сөмкемде бомба бар деп мәлімдегені үшін қозғалған.

Жағдайды толық зерделеу үшін жедел-тергеу тобы құрылды.

Ішкі істер министрі Ержан Сәденовтің тапсырмасы бойынша алдағы уақытта мұндай оқиғалардың алдын алу үшін республикадағы барлық әуежайлар мен вокзалдарда қауіпсіздік жүйелері тексерілуде.

Ендігі жерде рекше назар аударылатыны:

• осал тұстарды анықтау;

• тыйым салынған заттарды алып жүруге бақылауды күшейту;

• күзет қызметкерлерінің біліктілігін арттыру;

• құқық қорғау органдарымен өзара іс-қимыл.