Моншадағы қызды жасырын камераға түсіріп, бүкіл ауылға таратқан жасөспірімдер ұсталды

Алматы облысында 16 жастағы қызды моншада жасырын камераға түсіріп, фотоларды бүкіл ауылға таратқаны белгілі болды, деп хабарлайды Orda.kz.

Алматы облысы Ащыбұлақ ауылында 16 жастағы қызды ауылдағы «Достық» моншасына барған кезде жасырын камераға түсіріп алған. Бейнежазбаны моншада жұмыс істейтін ауыл жастары түсіріп, кейін бүкіл ауылға таратқаны айтылды.

Қазіргі уақытта құқық қорғау органдары оқиғаға байланысты тексеріс жүргізіп жатыр. Жәбірленуші тарап кінәлілердің заң аясында жауапқа тартылуын талап етті.

Еске сала кетейік, Таразда Алматы облысының депутатын белгісіз адам бетінен кастетпен ұрып, жақ сүйегін сындырғаны белгілі болды.