Моңғолия президенті Қазақстанға мемлекеттік сапармен келді

Моңғолия президенті әкімшілігінің баспасөз қызметі хабарлағандай, Астанадағы Нұрсұлтан Назарбаев халықаралық әуежайында Моңғолия көшбасшынын Қазақстанның сыртқы істер министрі Ерлан Көшербаев, сондай-ақ Моңғолияның Қазақстандағы елшісі Батжаргал қарсы алды, деп хабарлайды  Orda.kz.      

«Сапар аясында екі ел басшылары жеке кездесу өткізеді, ресми келіссөздер жүргізіп, бұқаралық ақпарат құралдары өкілдеріне мәлімдеме жасайды. Сапар барысында тараптар екі елдің құқықтық негіздерін нығайтуға елеулі үлес қосатын үкіметаралық және ведомствоаралық құжаттарға қол қояды» деп жазылған Моңғолия президенті баспасөз қызметі таратқан ақпаратта. 

Бұған дейін мемлекеттік сапар аясында Моңғолия президенті Өңірлік экологиялық саммитке қатысатыны хабарланған болатын.

Сондай-ақ Ақорда Қазақстан президенті Қасым-Жомарт Тоқаевтың қатысуымен өтетін алдағы іс-шаралар туралы алдын-ала жариялап, Моңғолия көшбасшысы Ухнаагийн Хүрэлсүхтің Қазақстанға мемлекеттік сапармен келетінін мәлімдеген еді.

Оқи отырыңыз:

• Моңғолия астанасындағы жаппай наразылық белең алды
• Қазақстан президенті Моңғолияға мемлекеттік сапармен барады
• Қандастар көшінің жаңа толқыны рекорд жаңартты