Моңғолия астанасындағы жаппай наразылық белең алды

Моңғолия астанасында шерушілер үкіметтің отставкаға кетуін және парламенттің таратылуын талап етуде, деп хабарлайды Orda.kz жергілікті News․mn басылымына сілтеме жасап.

Ұйымдастырушылар «Бостандық альянсы» партиясы түтін басуы, сыбайлас жемқорлық, жұмыссыздық, кептеліс және салықтар сияқты өзекті мәселелерді шеше алмағаны үшін үкіметті отставкаға жіберуге шақырды.

Сонымен бірге олар қазіргі билік өкілдерімен сындарлы диалог жүргізуден және олардан «кез келген түсініктемелерді» қабылдаудан бас тартты.

Наразылық акциясы кеше түсте Ұлан-Батордың бас алаңында бейбіт пикет ретінде басталғанымен, кешке қарай мыңнан астам адам қатысқан шеруге ұласты.

Шерушілер қаланың негізгі жолын жауып, бірнеше сағат бойы қоғамдық көлікті жүргізбей тастады. Наразылық акциясы орталық алаңнан бөлек парламент ғимаратының жанында да өтті.

Бір топ белсенді мемлекет сарайының маңында Шыңғыс хан мүсінінің алдында да жиналды. Наразылық білдірушілер сарайға басып кіруге тырысты, бірақ арнайы жасақ «оны қорғап тұр».

Ал, жұртшылық наразылардың әрекетін айыптап, бейбіт акцияға көшуге шақырды.