«Митинг өткізетін орындар ауысты»: Енді белсенділер шеруді қайда өткізеді?

 Алматыда бейбіт митинг пен шеру өткізілетін орындар белгіленді.

Бұл туралы Алматы қалалық мәслихаттың XXII сессиясында хабарлады.

«Митингтерді «Сары-Арқа» кинотеатрының артындағы саябақта, Ш. Уәлиханов атындағы скверде және Амангелді Иманов атындағы саябақта өткізуге рұқсат етілді» делінген хабарландыруда.

Алматы қалалық мәслихаты шеруге арналған маршрутты да өзгертті. Шеруге арналған маршрут Шевченко көшесінен Жамбыл көшесіне ауыстырылды.

Алматыда бір рет қана осы маршрут бойынша шеру болған. Содан кейін қала әкімшілігі шеруге рұқсат бермей келеді.

Еске сала кетсек, Orda.kz Алматы әкімдігі Ш.Уәлиханов атындағы саябақта бейбіт митингілерге тыйым салғаны жайлы  жазған болатын.