Алматы әкімдігі Уәлиханов саябағындағы митингілерге тыйым салды

Алматы әкімдігі неліктен Уәлиханов атындағы саябақта бейбіт митингілерге тыйым салғысы келетінін түсіндірді.

Саябақта митинг болған кезде Абай және Достық даңғылдарында кептеліс болады. Бұл жақын маңда тұратын тұрғындарға да, көлік жүргізушілерге де қиындық туғызады. Әкімдік сол себепті осы саябақтарда митинг өткізуге тыйым салғысы келетінін хабарлады.

«Митинг кезінде Шевченко көшесінің бойында Достықтан Қонаевқа дейін көлік қозғалысы шектеледі. Жүргізушілер Достық даңғылының бойымен оңтүстік жағындағы Абайға дейін және солтүстіктегі Бөгенбай батыр көшесіне дейінгі аумақты айналып өтеді. Солай басқа бағыттағы көлік жүргізушілеріне қиындық туғызады» делінген әкімдік хабарламасында.