Мектеп пен колледждің кампусына құлаған ұшақ апатынан 27 адам мерт болды

Бангладештың астанасы Даккадағы мектеп пен колледждің кампусына оқу-жаттығу ұшағы құлады. Қайғылы оқиға салдарынан қаза тапқандар саны 27-ге жетті, деп хабарлайды Orda.kz. 

Ұшақ кеше, 21 шілде күні Дакканың Уттара ауданында орналасқан Milestone мектебі мен колледжінің кампусына құлады. Апат кезінде білім ошағында студенттер мен оқушылар болған. 

Бангладеш армиясының баспасөз қызметі қысқаша мәлімдеме жасап, елдің әуе күштеріне тиесілі F-7 BGI оқу-жаттығуға арналған ұшағы апатқа ұшырағанын растады. Өрт күзеті қызметінің өкілі Лима Ханның айтуынша, қаза тапқандардың арасында оқушылар, оқытушылар және ұшқыш бар.

Бангладеш үкіметі 22 шілдені Ұлттық аза тұту күні деп жариялады. Билік қайғылы жағдайдың себептерін тергеу үшін комиссия құрды.

Айта кетейік, Атырау облысы Құлсары қаласына жақын орналасқан Тұрғызба ауылындағы «Ниет» автогаз құю бекетінде болған қайғылы оқиғадан кейін екі ай өткен соң, бекеттің директоры ұсталды. Жарылыс салдарынан ерлі-зайыпты мерт болған еді.