«Медицина жанжалы»: Бас прокуратурадағы келеңсіздік

Қазақстан президенті Қасым-Жомарт Тоқаевқа жолданған Айтбек Ауылбаевтың өтініші Президент әкімшілігінен Бас прокуратураға, содан кейін қателесіп Ұлытау облысының прокуратурасына жіберілді. Ал Балқаш қаласы болса, Қарағанды облысына жатады. 

Бұл туралы өтініш жолдаушы өзінің instagram парақшасында жазды.

«Шенеуніктер Балқаш қаласының Қарағанды облысында орналасқанын білмейтін сияқты», — дейді өтініш иесі Айтбек Ауылбаев.

Еске сала кетсек, Orda.kz бұған дейін дәрігерлердің салғырттығынан қаза болған әпкесі жайлы айтып, құқық қорғау органдары күдіктілерді әлі ұстамай отырғанына наразы болған азамат жайлы жазған болатын.

Осы мәселе жайлы жазылған соң, осы жақында тұралап қалған істің алға басып, мәселеге Қарағанды облыстық прокуратурасы кірісті. Енді Айтбек Ауылбаев  Президентке жолдаған өз өтінішін Бас прокуратура Ұлытау облысына жібергенін айтып отыр.

«Олар тіпті Балқаш қаласының қай облыста орналасқанын білмейді. Бізге қалай өмір сүру мен заңдарды сақтау керегін үйрететін адамдардың өзі ҚР аумақтық-әкімшілік бөлінісі туралы заңды білмейді» деп өтініш беруші өз пікірінде атап өтті.

 «Келесі жолы Бас прокуратура Балқашқа ұқсас Балашиха қаласының прокуратурасына (Ресей) сұрау жібере ме?» деп ол біліксіздікке мысқылдап тиіскен жазба қалдырды.