Тұрсын Алагөзов Шымкент сыра зауыты қызметкерлеріне 50 пәтер сыйлады

Тұрсын Алагөзов Шымкент сыра зауытында 46 жылдан астам жұмыс істеген қызметкерлерге 50 пәтер сыйлады, деп хабарлайды Orda.kz.

Кәсіпкер Шымкент сыра зауытының 50 жылдығына орай осы зауытта елу жылға жуық жұмыс істеген елу қызметкерге су жаңа пәтерден сыйлады. Алагөзов қызметкерлеріне құттықтау сөзін сөйлеп тұрып өмірі мен бизнесіндегі қиын сәттерді еске алып көз жасына ерік берді.

«Менің бір кездері кәсібімді тартып алғанда 200 мың теңге айлыққа өмір сүрдім. Сүт пен нанға  ақшамды санап жүретін едім. Ол кезде мен ипотекаға алынған пәтерде тұрдым, ай сайынғы төлемді төлей алмасам пәтерімді тартып алады деп қорқатын едім. Сол кездері өз-өзіме сөз беріп едім, егер бизнесімді қайтып алсам барлығына көмектесімін деп. Ол қиын қыстау кезеңдерде ертеңіме деген сенім болмаған еді. Сіздердің ертеңге деген сенімдеріңіз болсын деп осы елу пәтерді сыйлағым келеді», – деді Алагөзов.

Еске сала кетейік,  Шымкент сыра зауыты 2024 жылы Алагөзовтің иелігіне өткен еді. Қазіргі уақытта Шымкент сыра зауытын кәсіпкердің ұлы Арсен Алагөзов басқарады.

Оған дейін «Шымкент сыра қайнату зауыты» ЖШС — олигарх Тоқтар Төлешовке тиесілі болды. Төлешов трансұлттық қылмыстық қоғамдастық құрғаны үшін, сондай-ақ билікті басып алуға шақырғаны үшін кінәлі деп танылып, 21 жылға сотталды. 

Оқи отырыңыз: 

• Баян Алагөзова: Радикализм, «Алтын Ханым» және әл-Фарабидегі апаттар
• Жұмысшыларына 100 пәтер сыйлаған Тұрсынғали Алагөзовтің әрекеті желіні жарып жатыр
• Баян Алагөзова әйелдерге де бірнеше күйеуге шығу құқығын заңдастыруды ұсынды