Мәскеудегі парад әскери техникасыз, интернетсіз өтеді

9 мамыр күні мәскеуліктер ұялы интернет пен SMS қызметінсіз қалады. Ресейдің цифрлық даму министрлігі 9 мамыр күні Мәскеуде мерекелік іс-шаралардың қауіпсіздігін қамтамасыз ету мақсатында мобильді интернетке, соның ішінде «ақ тізімдегі» сайттарға қолжетімділік уақытша шектелетінін мәлімдеді, деп хабарлайды Orda.kz.       

Сонымен қатар, SMS хабарлама алмасу қызметінің жұмысы да шектеледі. Ведомство 7 және 8 мамыр күндері астанада мобильді интернетті шектеу жоспарда жоқ екенін атап өтті.

Бұған дейін ұялы байланыс операторлары мәскеуліктерге 5–9 мамыр аралығында интернеттің өшірілуі мүмкін екенін ескерткен болатын.

SMS жіберу қызметі де қолжетімсіз болуы мүмкін екенін бұған дейін BBC дереккөзі хабарлаған.

9 мамырдағы парад алдында Мәскеуде байланысқа қойылатын шектеулер «әлдеқайда күшейтіледі». Олардың айтуынша, 9 мамыр күні билік SMS жіберу мен «ақ тізімдегі» ресурстарды қоса алғанда, бүкіл мобильді байланысты бұғаттайды. Бұл шектеулер тек Мәскеу орталығында ғана емес, МКАД аумағының ішінде де енгізіледі.

Биыл 9 мамырда Қызыл алаңдағы парад 2007 жылдан бері алғаш рет әскери техниканың қатысуынсыз өтеді. Кремль бұл «ықшам форматты» Украина тарапынан төнген «террористік қауіппен» және биыл мерейтойлық жыл еместігімен түсіндірді.

Оқи отырыңыз:

• 7 мамырда «Астана Арена» стадионы маңында қозғалыс шектеледі
• Оралдағы автосалонда төрт әйел биіктен құлап, жарақат алды
• Тоқаев: Қуатты әскеріміз ең күрделі міндеттерді орындауға қашанда дайын