Маск есірткі пайдаланғаны туралы айыптауды мойындамады

Кәсіпкер бұл туралы X (бұрынғы Twitter) әлеуметтік желісіне жазды, деп хабарлайды Orda.kz.

«МЕН ЕСІРТКІ ҚАБЫЛДАМАЙМЫН! New York Times өрескел өтірік айтады. Мен рецептуралық кетаминді бірнеше жыл бұрын сынап көрдім және ол туралы әлеуметтік желілерде айтып бердім, сондықтан бұл тіпті жаңалық та емес. Ол жаның қиналғанда қапастан шығуға көмектеседі, бірақ содан бері мен оны бірде бір рет қабылдамадым» деп мәлімдеді бизнесмен. 

Мамыр айының соңында New York Times өз дереккөздеріне сілтеме жасап, Илон Масктың есірткі қолданып жүргенін хабарлады. Әсіресе, ол АҚШ президентінің сайлауалды науқаны кезінде тыйым салынған заттарды қолданған.

Газеттің жазуынша, 53 жастағы кәсіпкердің денсаулығына байланысты проблемалар туындап, ол ашуланшқ болып, көңіл-күйі күрт өзгерген. Бұдан басқа, миллиардер жеке кештерде экстази мен психоделиялық саңырауқұлақтарды пайдаланған.

Ақпаратқа Дональд Трамп та түсінік берді. Ол журналистерге Масктың есірткіні қабылдағаны туралы мәліметтерге алаңдаушылық білдірмейтінін айтып, бизнесменді «ғажайып» деп атады және оның «тамаша жұмыс» істегенін атап өтті.

Бір күн бұрын  Илон Маск Ақ үйден кетті, оның бюджет қаражатын оңтайландыру әдісі Қазақстан түгілі өз еліне жарамай қалды.