Марқұм Әли Хаменейдің әйелі тірі

Иранның бұрынғы жоғары лидері Әли Хаменейдің әйелі АҚШ пен Израильдің жойқын соққысынан кейін де тірі қалды, деп хабарлайды Orda.kz Fars-қа сілтеме жасай отырып.

Бұған дейін БАҚ-тарда Иранның жоғары басшысы  Әли Хаменеидің қаза тапқаны жазылған еді. Ал оның ұлы Моджтаба Хаменеи әкесінің орнына келгеннен кейін, өзінің алғашқы үндеуін жасады. Өз сөзінде АҚШ пен Израиль шабуылы салдарынан оның отбасының бірнеше мүшесі — әкесі, жұбайы, әпкесі, жиені мен жездесі қаза тапқанын айтты.

Аятолла Әли Хаменеиден бөлек, оның қауіпсіздік жөніндегі кеңесшісі Әли Шамхани, Ислам революциясы сақшылар корпусының (ИРСК) қолбасшысы Мохаммад Пакпур, қорғаныс министрі Азиз Насирзаде және бас штаб басшысы Абдулрахим Мусави қаза тапты. Иран БАҚ-тары да Иран полициясы барлау ұйымының басшысы Голям Реза Резаянның қаза тапқанын хабарлады.

Оқи отырыңыз:

• Иран СІМ: Ормуз бұғазына мина қойып жатқан жоқпыз 
• Иранның жаңа көшбасшысы үндеуі жасады: Иран кек алмай қоймайды
• Соғыстың 12-күні: Иран көмек сұрай бастады, Трамп соғысты аяқтау туралы айтты