Марафоншы Марат Жыланбаевқа түрмеде қысым көрсетіп жатыр

Әлем бойынша сахараны жүгіріп өткен жалғыз марафоншы Марат Жыланбаев колония қызметкерлері өзіне қысым көрсетіп жатқанын айтып, Адам құқықтары жөніндегі уәкіл Артур Ластаевқа хат жолдады.

Бұл туралы құқық қорғаушы Бақытжан Төреғожина  facebook парақшасында хабарлады. 

«Ластаев Мырза, тез арада Марат Жыланбаевқа  жолығуыңызды талап етеміз!» деп жазды  Бақытжан Төреғожина өз парақшасында Марат Жыланбаевтың хатын жариялап.

Естеріңізге сала кетейік, 2023 жылы Марат Жыланбаевқа Қазақстанда тіркелмеген, «Алға, Қазақстан» ұйымының істеріне қатысы бар және экстремистік ұйымды қаржыландырды деген айып тағылып, 7 жылға сотталды.

Марат Жыланбаев — әлемдегі 4 шөлді кесіп өткен жалғыз марафоншы. Ол Азиядағы Қарақұм шөлінің 1200 шақырымын 20 күнде кесіп өтсе, дүниежүзіндегі ең үлкен шөл Сахараның 1700 шақырымын 24 күнде жүріп өткен. Тарихқа енген желаяқ қазақ  талай шөлді басып өтіп, 7 рет рекордтық көрсеткішке жетіп, Гиннестің рекордтар кітабына енді.

Сондай-ақ, халықаралық «Synergy Global Forum» форумына спикер ретінде қатысқан тұңғыш қазақ. 2023 жылы ғана марафоншы сөз сөйлердің алдында ешқандай дайындық болмағанын, ұйымдастырушылар «өзіңіз жайлы айтсаңыз болды» дегенін хабарлаған болатын.