«Маңғыстауда тағы да улану»: Мектептегі 16 бала төсек тартты

Маңғыстау облысы Бейнеу ауылындағы Ж. Қалдығараев атындағы орта мектепте 16 бала уланды, деп хабарлайды Orda.kz.  

Облыстық денсаулық сақтау басқармасына 12 қыркүйек күні кешке шамамен 7-де Ж. Қалдығараев атындағы мектептің 16 оқушысы іш ауруы шағымымен аудандық жедел жәрдем бөлімшесіне жүгінді.

«Қабылдау бөлімінде оларға ауыз арқылы регидратация және инфузиялық терапия жүргізілді. 12 қыркүйек күні сағат 21:43-тегі жағдай бойынша барлық балалар үйге жіберілді. Оқушылардың жағдайы тұрақты. Бүгін балалардың бәрі мектепте»,  делінген хабарламада.

Алдын-ала мәліметтер бойынша, дәрігерлер балалардың судан уланғанын болжап отыр. Мамандар мектеп асханасынан үлгілер алып сараптамаға жіберді.

Еске сала кетейік, жақында ғана Босшоқы ауылында  400 оқушы уланды. Маңғыстау облысының Мұнайлы аудандық полиция басқармасы улану фактісі бойынша қылмыстық іс қозғады.