Малайзияда көз жұмған қазақстандық студент туралы СІМ түсініктеме берді

Былтыр 26 желтоқсан күні Қадыр Нұрай Малайзияда пневмониядан және медициналық көмектің уақтылы көрсетілмеуі салдарынан көз жұмған. Қазақстандық студенттің қазасына қатысты сыртқы істер министрлігі түсініктеме берді, деп хабарлайды Orda.kz. 

Қадыр Нұрайдың Xiamen University Malaysia бірінші курс студенті болғанын хабарлаған едік. Туыстарының мәліметінше, оның үш күн бойы дене қызуы қатты көтеріліп, оқу орны қызметкерлерінен медициналық көмек сұраған. Бірақ оған дер кезінде ем қолданылмады.

ҚР ішкі істер министрлігі Малайзия ауруханасында жас қазақстандықтың қазасына қатысты іс бойынша тергеу басталғанын растады.

Ал СІМ-нің мәліметінше, елшілік қызметкерлері аурухана басшылығымен байланыста екен. 

Сонымен қатар министрлік марқұмның туыстарына студенттің денесін тасымалдауға көмектескенін айтты.

СІМ-нің мәліметтері бойынша, бүгінгі таңба Малайзиядағы ҚР елшілігінің консулдық есебінде қазақстандық 63 студент тұр.