Мадуроның жақтастары Каракаста күнде шерулетіп жатыр

 Шеруге қатысушылар - «чавистердің» билеуші сол жақ қозғалысының белсенділері бір апта бұрын АҚШ әскерилерінің операциясынан кейін АҚШ-қа әкетілген президентті қайтаруды талап етуде. Елдегі осындай митингілер оны Нью-Йоркке әкеткен сәттен бастап күн сайын өткізіліп келеді, деп хабарлайды Orda.kz Deutsche Welle-ге сілтеме жасап.

Көшедегі наразылықтар кезінде Венесуэланың Сыртқы істер министрлігі 2019 жылы Дональд Трамптың бірінші мерзімінде үзілген дипломатиялық қарым-қатынастарды қалпына келтіру бойынша АҚШ-пен келіссөздердің басталғанын хабарлады. Вашингтон америкалық өкілдердің Каракаста болып, елшіліктің қайтып оралуы мүмкіндігін талқылағанын растады.

Фото: Facebook Deutsche Welle

Сонымен қатар, уақытша президент Делси Родригес саяси тұтқындарды босататынын жариялады. Құқық қорғаушылардың мәліметінше, 10 қаңтарға дейін 18 адам бостандыққа шықты. Басқа тұтқындардың туыстары Каракастың шығысындағы Эль-Родео түрмесінде кезегін күтіп тұр.

Трамп саяси тұтқындарды азат етуді «бейбітшілікке ұмтылудың белгісі» деп, Венесуэлаға қарсы жоспарланған шабуылдардың екінші толқыны жойылғанын мәлімдеді. Сондай-ақ ол Венесуэла оппозициясының көшбасшысы Мария Корина Мачадомен кездесетінін жариялады.

Фото: АР

Венесуэлада 850-ден астам саяси тұтқын бар, олардың көпшілігі Мадуро басқарған кезде тұтқындалған. Human Rights Watch бұған дейін көптеген адамдар «инкоммуникация» режимінде - сыртқы әлеммен байланыссыз ұсталатынын, бұл азаптаудың бір түрі ретінде бағаланатынын айтқан болатын.

Фото: АР

Естеріңізге сала кетейік, 3 қаңтарда АҚШ Мадуро мен оның жұбайын Қаракаста ұсалғанын жариялаған болатын. Оларға есірткі терроризмі мен заңсыз қару-жарақ сақтағаны үшін айып тағылған. Президент өкілеттігі Делси Родригеске берілді, ал Мадуро ісі бойынша келесі сот отырысы наурызға белгіленді.

Тақырыпқа қатысты ұсынамыз:

• Әлем көшбасшылары мен елдері АҚШ-тың Венесуэлаға қарсы агрессиясына қарсы үн қатты
• АҚШ конгресі Трампқа импичмент жарияламақшы
• Келесі кезекте — Мексика: Трамп есірткі картельдеріне қарсы күш қолдану операциясы туралы айтты
• Елде бір ғана президент бар — Венесуэла Мадуро тұтқындалғаннан кейін АҚШ-қа жауап қатты