Литва Ресей мен Беларуське жиі баратын ресейліктерді ықтиярхатынан айырып жатыр

2025 жылдың ортасынан бастап Литва Ресей мен Беларуське жиі баратын ресейліктерді уақытша тұруға арналған ықтиярхатынан жаппай айыра бастады. Ресейге «нақты себеп» болған жағдайда ғана баруға болады. Бірақ нақты ненің маңызды болып саналатынын, ненің саналмайтынын көші-қон қызметінің өзі де түсіндіріп бере алмай отыр, деп хабарлайды Orda.kz. 

Ресейге немесе Беларуське тым жиі барғаны үшін ресейліктерді литвалық ықтиярхаттан айыру туралы түзетулер 2025 жылдың мамырында қабылданды. Бастапқыда шектеулерді Беларусь азаматтарына да қолдану жоспарланған. Бірақ олар көп өтпей заң жобасынан алынып тасталды.

Заң жобасын консервативтік «Отан одағы — Литва христиан-демократтары» партиясы депутаттары ұсынды. Депутаттар Отанына жиі баратын Ресей және Беларусь азаматтары қауіп төндіреді деп есептейді. Егер шекарадан өтетін адамдар аз болса, литвалық қызметтерге оларды тексеру және «кім, не үшін және не мақсатпен барып-келіп жүргенін» бақылау оңайырақ болады.

Заң жобасын елдегі ең көне саяси күштердің бірі — Литва социал-демократиялық партиясы да қолдады. Литваның мемлекеттік қауіпсіздік департаменті қызметкерлері парламенттегі талқылаулар кезінде тіпті елде тұратын ресейліктерге Ресейге жылына бір реттен артық баруға рұқсат бермеуді ұсынған.

Заң жобасына келіспегендер де болды. Ішкі істер вице-министрі Алиция Щербайте жаңа ережелер мемлекеттік шекараны қорғау қызметі мен көші-қон қызметіне қосымша жүктеме түсіретінін мәлімдеді.

Литваның көші-қон департаментінің мәлімдеуінше, 2025 жылдың мамырынан 2026 жылдың қаңтарына дейін осы түзетулер негізінде 149 ресейлік ықтиярхатынан айырылған. Ал шекараны заңды түрде 3 реттен жиі кесіп өтуі үшін  ресейліктер халықаралық жүк немесе жолаушы тасымалымен айналысуы керек немесе баруға «нақты себебі» болуы тиіс. 

Оқи отырыңыз:

• Мемлекет басшысы Иран президентін Ислам революциясы күнімен құттықтады
• Зеленский әуе қорғанысы жүйесін түбегейлі өзгертіп жатыр