Мемлекет басшысы Иран президентін Ислам революциясы күнімен құттықтады

Қасым-Жомарт Тоқаев Иран президенті Масуд Пезешкианға Ислам революциясы күніне орай құттықтау жеделхатын жолдады, деп хабарлайды Orda.kz.      

Мемлекет басшысы екі ел арасындағы ынтымақтастық пен достық байланыстар алдағы уақытта да халықтардың игілігі үшін нығая түсетініне сенім білдірді.

Сондай-ақ Қасым-Жомарт Тоқаев Иран президентіне жауапты қызметінде табыс тілеп, Иран еліне өсіп-өркендеу мен береке тіледі.

Айта кетейік, Ирандағы жаппай халық көтерілісі негізінен елдегі экономикалық дағдарысқа байланысты туындады. Жыл соңында Иран валютасы (риял) күрт құнсызданып, инфляция шарықтады, азық-түлік пен күнделікті тұтыну тауарларының бағасы халық үшін қолжетімсіз деңгейге жетті. Жұмыссыздықтың өсуі мен халық табысының төмендеуі әлеуметтік жағдайды одан әрі ушықтырды.

Биліктің ресми мәліметінше, көтеріліс кезінде шамамен 5 мың адам қаза тапқан. Ал құқық қорғау ұйымдары адам шығыны бұдан да көп екенін мәлімдеді.

Еске салсақ, 10 ақпанда Астанада мемлекет басшысы Қасым-Жомарт Тоқаевтың қатысуымен өткен  Үкіметтің кеңейтілген отырысы ел дамуының келесі кезеңіне арналған стратегиялық басымдықтарды айқындаған маңызды саяси-экономикалық тапсырмалар берді.

Оқи отырыңыз: 

• Кеңейтілген отырыс: Үкімет пен шенеуніктерге берілген соңғы ескерту ме?
• Президент жеке цифрлық деректерді қорғау қажеттігін мәлімдеді
• Тоқаев: Бюджет қаражатын игере алмай отырсыздар