Лай көшкінінен 18 адам қаза болды

Босния және Герцеговинаның орталық бөлігінде алапат тасқын болып, лай көшкіндерінен 18 адам қаза тапты, деп хабарлайды Orda.kz. 

Сонымен қатар тағы бірнеше тұрғын жоғалып кетті.

Алдын ала мәлімет бойынша, елде төтенше жағдай жарияланған. Ал кейбір қалалар мен ауылдарды толық су басты.

Қазір іздеу-құтқару операциялары жалғасып жатыр. 

Апатқа төпелеп жауған жаңбыр себеп болған. Бірқатар аудандарда судың деңгейі үйлердің шатырына дейін көтерілген. Елге Хорватия, Сербия, Солтүстік Македония және Еуропа одағының мемлекеттері көмек жөнелтіп жатыр.