«Қызылордадағы жыныстық құлдық»: Соңғы үкім оқылды

Қызылордада 16 жастағы қызды жыныстық құлдықта ұстаған сотталушылардың соңғы үкімі оқылды, деп хабарлайды Orda.kz. 

3 сәуірде Қызылорда соты жыныстық құлдықта болған 16 жастағы қыздың ісі бойынша басты айыптыларға үкім шығарды. Алайда сотталушылар сот шешімімен келіспей аппеляцияға жүгінді.

 Бүгін,4 маусым күні аппеляциялық сот жасөспірім қызды жыныстық құлдықта ұстаған қылмыскерлер тобына үкімді өзгеріссіз қалдырды.

Сотталушылардың қорғаушылары оларды ақтауды және жазаны жеңілдетуді сұраған еді. Алайда сот алқасы дәлелдемелер және жәбірленуші мен куәгерлердің айғақтары, сондай-ақ сот сараптамаларының қорытындылары негізінде үкімді өзгерткен жоқ.

Үкім заңды күшіне енді. Сотталушылар арасында кәмелетке толмағандар да бар. 

Айта кетейік, Orda.kz редакциясы бірнеше ай бойы Қызылордада мектеп оқушысының жарты жыл бойы сексуалдық құлдықта болған оқиғасын мұқият бақылап келеді. Қызға зорлық көрсеткендердің арасында оның сыныптасы мен ең жақсы құрбысы бар болып шықты. Orda.kz қыздың  анасымен сұхбаттасты.