Қызылордадағы 16 жасар қыздың тағдырына ұят кінәлі ме?

Саясаттанушы Ғазиз Әбішев Қызылода облысындағы сыныптастары жөзекшелікке мәжбүрлеген 16 жасар қыз туралы пікірін білдірді.

Бұл туралы Әбішов өзінің telegram-арнасында хабарлады.

Саясаттанушының айтуынша, елдегі белгілі бір консерваторлар өздерінің көзқарастарымен қоғамды таң қалдырудан таймай келеді. Олар үшін адамның физикалық және психикалық жәй-күйі маңызды еместігін айтады.

«Жәбірленушінің анасының бейнесұхбатына сүйенсек, мұғалімдер де, инспекторлар да шу шығарғысы келмеді, полиция шуды ұнатпайды. Ал анасы біраз уақытқа дейін шудан қорыққанын айтады. Айналып келгенде сол баяғы «ұят». Кез келген дәстүр құндылықтары ең алдымен адами құндылықтардан туындауы керек. Жалпы адамзаттық құндылықтардың жиынтығын ысырып тастауға болмайды», — деді саясаттанушы.

Еске сала кетейік, Қызылордада сыныптастары жезөкшелікпен айналысуға мәжбүрлеген 16 жастағы қызға қатысты сұмдық деректер қоғамда резонанс тудырды. Артынша анықталғандай бұл істе шиленіскен түсініксіз жағдайда екені және жауаптан гөрі сұрақ көп болып шықты.