Қызылордада қаққан малын сойып, етін өзімен бірге алып кеткен жүргізушіге сот үкім шығарды

Қызылорда облысында көлік жүргізушісі жолда сиырды қағып, арам өлмеуі үшін оны сойып, етін өзімен алып кеткен, деп хабарлайды Orda.kz.

Бастапқыда полиция әкімшілік құқықбұзушылықты анықтамай, істі жауып тастаған. Бірақ сиырдың иесі өз құқығын сотта қорғамақ болады. Фермер жүргізушіден 350 000 теңге өндіріп алуды сұрап, талап арыз берді.

Істі қарау барысында тараптар өзара келісімге келгендерін айтып, соттан келісімді бекітуін сұрады. Ақыры сот фермерге 150 мың теңге төлеуге міндеттеп үкім шығарды. Ал ол жүргізушіден толық өтемақы талап етуден бас тартты.

Еске сала кетейік, қоғамдық денсаулық сақтау басқармасы Астанада автобус апатынан кейін аяғын кесуге тура келген қыздың қазіргі жағдайы туралы мәлімдеме жасаған болатын.