Қытайда теңізге ұшақ құлады

Гонконгта әуе апаты болды, деп хабарлайды Orda.kz.

«Синьхуа» агенттігінің дерегінше, жүк тасымалдайтын «Боинг-747» ұшағы қонарда жолақтан шығып, теңізге құлаған. Екі адам қаза тапты.

«Ұшақ Біріккен Араб Әмірліктерінен келген. Алдын ала мәлімет бойынша, экипаждың төрт мүшесі құтқарылған»,  деп хабарлады агенттік.

Ұшақпен жердегі қызмет көрсету көлігі соқтығысып қалуы мүмкін деген күдік болған. Әзірге ұшу-қону жолағы жабылды.

Еске сала кетсек, AZAL ұшақ апаты туралы Ресей жасырған шындықты айтқан жолаушы көз жұмды.