Қытай өзінің мұнай компанияларына АҚШ санкцияларын елемеуді бұйырды

Бейжің қытайлық компанияларға Иранмен байланысты мұнай өңдеу зауыттарына қарсы АҚШ санкцияларын елемеуді бұйырды, деп хабарлайды Orda.kz.      

Қытай елдегі компанияларға Иран мұнайының саудасына қатысы бар бес жергілікті мұнай өңдеу кәсіпорнына қарсы АҚШ санкцияларын сақтамауды тапсырды, деп хабарлайды Bloomberg.

Бұл шара Қытай тарапынан америкалық шектеулердің салдарын азайтуға бағытталған айқын қадам ретінде қарастырылуда.

Зардап шеккен компаниялар қатарында өткен айда санкциялық тізімге енгізілген Hengli Petrochemical (Dalian) Refinery Co., сондай-ақ бірнеше жеке мұнай өңдеу кәсіпорындары бар. Санкциялар активтерді бұғаттауды және операциялар жүргізуге тыйым салуды қамтиды.

Қытайдың сауда министрлігі АҚШ әрекеттері «үшінші елдермен қалыпты сауданы заңсыз шектейді және халықаралық нормаларды бұзады» деп мәлімдеді. 

«Қытай үкіметі БҰҰ Қауіпсіздік Кеңесінің мақұлдауынсыз және халықаралық құқықтық негізсіз енгізілген біржақты санкцияларға әрдайым қарсы»,  деп атап өтті министрлік. 

Сонымен қатар ведомство аталған компанияларға қатысты бұл санкцияларды мойындауға және орындауға тыйым салатын сирек бұйрық шығарды.

Оқи отырыңыз:

• Қазақстан мен Қытай ұлттық мұнай-газ корпорациясы бірлескен жобаларды талқылады
• Си Цзиньпин мұнайды юаньмен саудалауға шақырды
• АҚШ-пен ғана мұнай серіктестігі: Трамп Венесуэладан Қытай мен Ресейді құралақан қалдыруды талап етті
• Қазақстан КҚК-дегі іркілістерге қатысты мұнай жеткізу бағыттарын өзгертті