Қазақстан мен Қытай ұлттық мұнай-газ корпорациясы бірлескен жобаларды талқылады

Қазақстан Премьер-Министрінің бірінші орынбасары Роман Скляр Қытай ұлттық мұнай-газ корпорациясының (CNPC) президенті Хоу Цицзюнмен жұмыс бабындағы кездесу өткізді. Келіссөздердің басты тақырыбы екі ел арасындағы мұнай-газ саласындағы ынтымақтастықты кеңейту болды, деп хабарлайды Orda.kz.

Кездесуде Қазақстандағы бірлескен жобаларды іске асыру мәселелері талқыланды. Әңгіме мұнай өңдеу нысандарын жаңғырту, кен орындарын игеру, кәсіпорындардың тұрақты жұмысы, мұнай химиясын дамыту, сондай-ақ энергия ресурстарын тұрақты жеткізуді қамтамасыз ету туралы болды.

Хоу Цицзюнь тығыз ынтымақтастықты жалғастыруға: озық технологияларды енгізуге және өзара тиімді жобаларды іске асыруға дайын екенін білдірді. Кездесу қорытындысы бойынша тараптар үкіметаралық комиссия мен «Бір белдеу - бір жол» бастамасы аясында серіктестікті күшейту туралы келісті.