«Күшпен басып аламыз»: ШҚО екі тұрғыны сепаратистік мәлімдеме жасағаны үшін 5 жылға кесілді

Өскеменде №2 сот жарияланымдар мен пікірлер арқылы ұлттық және әлеуметтік араздық қоздырған Шығыс Қазақстан облысының екі тұрғынына үкім шығарды.

Бұл туралы облыстық прокуратура хабарлады.

Тергеу анықтағандай, айыпталушы 2024 жылдың ақпан айында Шығыс Қазақстан облысын Қазақстан Республикасынан бөлу туралы референдум өткізуге бағытталған мәлімдеме жасау үшін интернет-ресурсын (чат рулетка) пайдаланды. Референдум сәтсіз аяқталса,  аумақты күшпен басып алуға шақырды.

Айыпталушылар өз кінәсін мойындап, өкінетінін айтты. Мемлекеттік айыптаушы олардың әрқайсысына 5 жыл бас бостандығынан айыру жазасын беруді талап етті. Сот бұл өтінішті қолдап, айыпталушыны 5 жыл бас бостандығынан айырды.

Мемлекет қауіпсіздігі мен елдің тұтастығын қамтамасыз ету мәселелері құқық қорғау органдарының жіті назарында.