Қырғызстан министрінің орынбасары Қазақстанға рұқсатсыз келгені үшін қызметінен босатылды

Көрші республикада екі жоғары лауазымды шенеунік бірден қызметінен айырылды, деп хабарлайды Orda.kz.

Қырғызстан Министрлер кабинетінің басшысы Адылбек Қасымалиев екі вице-министрді қызметінен босатты. Оның бірі – жұмысының тиімсіздігі салдарынан жұұмыстан кеткен Білім және ғылым министрлігі басшысының орынбасары Расул Абазбекұлы.

Ауыл шаруашылығы вице-министрі, Су ресурстары қызметінің директоры Алмаз Сокеев те қызметінен уақытша шеттетілді. Ол ресми рұқсатсыз Қазақстанға іссапармен барған, бұл заң бұзушылық деп танылды.

Қырғызстандық шенеуніктің Қазақстан Республикасына сапары туралы ақпаратты білуге ​​тырыстық, бірақ бұл туралы еш жерде ресми түрде хабарланбады.

Көрші елдің билігі шетелдік іссапарларға қыруар бюджет қаржысы жұмсалғанымен айтарлықтай бөлігі елге нақты пайда әкелмейді деген қорытындыға келді.